Blog Wythnos Mynd Ar-lein: Prosiect Llinellau Bywyd Digidol Foothold Cymru

Yn y byd sydd ohoni, nid moethusrwydd yw bod ar-lein mwyach. Mae'r rhyngrwyd a dyfeisiau digidol wedi dod yn rhan bwysig o fywyd bob dydd: o gadw mewn cysylltiad â theulu a ffrindiau i gael mynediad at wasanaethau iechyd, dod o hyd i waith, rheoli arian a chefnogi dysgu plant.

Ond beth sy'n digwydd os nad oes gennych ffôn symudol, cyfrifiadur, tabled na chysylltiad rhyngrwyd? Nid yw bod all-lein yn ddewis ffordd o fyw i bawb. Gall gyfyngu ar gyfleoedd, cynyddu unigedd a gadael pobl yn teimlo eu bod wedi’u gadael ar ôl. Dyna lle gall Llinellau Bywyd Digidol ar gyfer Llanelli, Foothold Cymru helpu. Mae prosiect Llinellau Bywyd Digidol wedi'i ariannu gan Lywodraeth Cymru ac mae yma i gefnogi pobl leol i fynd ar-lein yn ddiogel, yn hyderus ac yn fforddiadwy. Rydym yn cynnig sesiynau digidol anffurfiol am ddim mewn lleoliadau lleol, yn agos at ble mae pobl yn byw. Does dim angen i chi fod yn arbenigwr, a does dim angen i chi wybod dim am dechnoleg eisoes, rydyn ni'n dechrau lle rydych chi.

Sut allwn ni helpu?

Gall ein sesiynau cyfeillgar helpu pobl i wneud y canlynol:

  • Cadw mewn cysylltiad â theulu a ffrindiau drwy alwadau fideo, negeseuon a chyfryngau cymdeithasol.
  • Defnyddio apiau defnyddiol, gan gynnwys Ap GIG Cymru
  • Defnyddio siaradwyr ac ategolion SMART i wneud tasgau dyddiol yn haws
  • Dysgu sut i ddefnyddio bancio ar-lein yn ddiogel.
  • Cefnogi dysgu eich plant ar-lein.
  • Eich cadw’n ddiogel a’ch helpu i amddiffyn eich hun rhag sgamiau a risgiau ar-lein.
  • Cwblhau ffurflenni a cheisiadau ar-lein.
  • Chwilio am swyddi a chreu neu ddiweddaru eich CV.
  • Siopa ar-lein yn ddiogel.
  • Dod yn fwy hyderus wrth ddefnyddio eich ffôn symudol, tabled neu gyfrifiadur eich hun.

Dewch â'ch dyfais eich hun a gallwn eich helpu i ddysgu sut i'w defnyddio.

Nid oes rhaid i fynd ar-lein gostio ffortiwn

Rydyn ni'n gwybod y gall cost dyfeisiau, data symudol a band eang fod yn rhwystr i fynd ar-lein.

Gall Llinellau Bywyd Digidol ddarparu gwybodaeth a chymorth i helpu i wneud cysylltu’n fwy fforddiadwy, gan gynnwys:

  • Cymorth wrth gael mynediad at ddyfeisiau wedi'u hadnewyddu lle bo modd.
  • Data symudol Vodafone 40GB AM DDIM am 6 mis
  • Gwybodaeth am fand eang fforddiadwy, yn amodol ar hawl.
  • Sesiynau cymorth digidol am ddim yn eich cymuned leol.

Mae sesiynau ar gael yn y Gymraeg neu'r Saesneg, a chaiff eich gwybodaeth bersonol a'ch data eu trin yn ddiogel ac yn gyfrinachol.

Ar gyfer Wythnos Mynd Ar-lein, rydym yn lansio ein 'Caffi Digidol Agored', ddydd Mawrth 20 Hydref, o 1.00 tan 3.00pm, yn Foothold Cymru, Canolfan Lord Arthur Rank, Heol Trostre, Llanelli SA14 9RA lle gallwn gynnig cymorth cyfeillgar am ddim. Wedi hynny, bydd y Caffi Digidol Agored ar gael ar ddydd Mawrth olaf pob mis, o 1.00 tan 3.00pm, croeso i bawb!

Mae pawb yn haeddu'r cyfle i fod wedi’u cysylltu

P'un a ydych chi'n gwbl newydd i dechnoleg, wedi colli hyder wrth ddefnyddio'ch dyfais, neu os oes angen help arnoch gyda rhywbeth sy'n achosi rhwystredigaeth i chi, mae Llinellau Bywyd Digidol ar gyfer Llanelli yma i helpu. Does dim cwestiynau gwirion. Gallwch ddysgu ar eich cyflymder eich hun, gofyn cwestiynau ac adeiladu'r sgiliau a magu’r hyder sydd eu hangen arnoch i wneud y gorau o fod ar-lein.

Eisiau cymryd rhan?

Rydym hefyd yn chwilio am bobl a hoffai wirfoddoli'n lleol a helpu eraill i ddatblygu eu sgiliau digidol.

Os hoffech chi gael gwybod mwy am y prosiect Llinellau Bywyd Digidol, mynychu sesiwn, neu wirfoddoli, cysylltwch â ni.

Cysylltwch ag Alison (dydd Mawrth – dydd Iau)

📞 07947 768525
📧 alison@footholdcymru.org.uk

Llinellau Bywyd Digidol i Lanelli - helpu pobl leol i fynd ar-lein, aros yn ddiogel ac aros mewn cysylltiad