Bydd Rhwydwaith Arloesi newydd a ddatblygwyd ar y cyd gan yr Hwb Gwyddorau Bywyd a Llywodraeth Cymru yn dod â hyrwyddwyr arloesi, arweinwyr ac ymarferwyr ym maes iechyd a gofal cymdeithasol yng Nghymru ynghyd.
Bydd y rhwydwaith yn:
- Canfod, rhannu ac arddangos arfer da o ran arloesi ym maes iechyd a gofal, ac yn cefnogi cynnydd mewn gweithgarwch arloesol.
- Darparu grwp cymheiriaid i gefnogi arloesedd ym mhob rhanbarth yng Nghymru.
- Rhannu gwybodaeth am gyfleoedd ariannu strategol a lleol ar gyfer arloesi.
- Paru anghenion y boblogaeth â diddordeb a gallu yn y diwydiant.
- Cefnogi'r broses o ddatblygu a gweithredu Canolfannau Ymchwil, Arloesedd a Gwella ar draws Byrddau Partneriaeth Rhanbarthol.
Os hoffech chi ymuno â'r Rhwydwaith Arloesi a chael eich cynnwys yng ngweithgareddau'r dyfodol, gallwch gyflwyno'ch manylion trwy safle cofrestru'r rhwydwaith.