Mae e-Lyfrgell GIG Cymru yn chwilio am wirfoddolwyr ar gyfer gwerthusiad BMJ
8 Ebrill 2022
Ydych chi'n gweithio mewn gofal acíwt (gan gynnwys cleifion mewnol yn y gymuned) yn unrhyw un o'r rolau canlynol?
- Meddygon Blwyddyn Sylfaen 1 a 2 yn gweithio ym maes gofal eilaidd
- Meddygon arbenigol dan hyfforddiant sy'n gweithio ym maes gofal eilaidd
- Arbenigwyr Cyswllt sy'n gweithio ym maes gofal eilaidd
- Ymgynghorwyr gan gynnwys hyfforddwyr sy'n gweithio ym maes gofal eilaidd
- Nyrsys sy’n gweithio ym maes gofal eilaidd
- Ymarferwyr nyrsio sy'n gweithio ym maes gofal eilaidd
Os felly, mae angen eich mewnbwn ar e-lyfrgell GIG Cymru ar gyfer gwerthusiad o BMJ Best Practice Comorbidities - offeryn cefnogi penderfyniadau clinigol sy'n helpu clinigwyr i ystyried cydafiachedd y claf wrth gael mynediad at wybodaeth am driniaeth a darparu cynllun rheoli cychwynnol iddynt yn gyflym sydd wedi'i deilwra i anghenion unigryw’r claf.
Bydd gwerthusiadau yn dechrau ar 25 Ebrill.
Os hoffech gymryd rhan yn y gwerthusiad hwn, a fyddech cystal â llenwi’r ffurflen NHS Wales Participant Registration and Declaration of Interest Form a bydd aelod o dîm yr e-Lyfrgell yn anfon gwybodaeth ymlaen atoch ar sut i gael mynediad at BMJ Best Practice Comorbidities.
I gael rhagor o wybodaeth, cysylltwch ag e-lyfrgell GIG Cymru.