Gall gweithwyr gofal iechyd proffesiynol ledled Cymru gyrchu gwybodaeth am gleifion canser trwy Borth Clinigol Cymru (WCP). Yn flaenorol, roedd y wybodaeth hon ar gael i ddefnyddwyr System Wybodaeth Rhwydwaith Canser Cymru (CaNISC) yn unig.
Mae CaNISC yn cael ei ddiddymu'n raddol yn sgil oedran ei feddalwedd.
Mae Crynodeb o Nodiadau Achos CaNISC bellach yn cynnwys diagnosis timau amlddisgyblaeth, triniaethau arfaethedig, a chrynodeb a gynhyrchir gan y system o gofnod canser claf. Mae ei gyrchu trwy Borth Clinigol Cymru yn golygu, os bydd y claf yn ymweld ag amgylchedd gofal iechyd lle nad yw CaNISC ar gael, bydd gwybodaeth y claf dal yn hygyrch.
Yn ystod y chwe diwrnod cyntaf ar ôl iddi ddechrau, roedd bron mil o ddefnyddwyr wedi cyrchu Crynodeb Nodiadau Achos CaNISC ym Mhorth Clinigol Cymru. Nid oedd gan 84% o'r defnyddwyr hynny fynediad at CaNISC, sy'n arddangos bod y rhaglen TG genedlaethol yn bodloni anghenion defnyddwyr.
Mae Crynodeb Nodiadau Achos CaNISC yn ychwanegu at y wybodaeth helaeth am gleifion sydd ar gael i'w gweld ym Mhorth Clinigol Cymru, gan gynnwys dros 170 miliwn o ganlyniadau profion a dros 17 miliwn o ddogfennau gofal, yn ogystal â mynediad at gofnodion crynodeb meddygon teulu llawn ar gyfer y 3.1 miliwn o ddinasyddion yng Nghymru.