27 Medi 2021
Yn ddiweddar, adroddodd y Financial Times (erthygl daladwy) fod Llywodraeth Cymru wedi arbed cannoedd o filiynau o bunnoedd trwy ddefnyddio rhaglenni a gwasanaethau'r sector cyhoeddus yn ystod y pandemig. Un o'r gwasanaethau hynny oedd rhaglen Profi Olrhain, Diogelu. Datblygwyd a ddarparwyd y rhaglen gan GIG Cymru ac fe’i rheolir gan Iechyd a Gofal Digidol Cymru.
Yn ôl yr erthygl, derbyniodd Llywodraeth Cymru bron i £1.1bn ar gyfer olrhain cysylltiadau a Chyfarpar Diogelu Personol yn 2020/21. Amcangyfrifodd Canolfan Llywodraethiant Cymru Prifysgol Caerdydd fod y llywodraeth mewn gwirionedd wedi gwario £533m ar y meysydd hynny. Roedd hynny’n £158 y pen, 48 y cant yn is nac yn Lloegr.
Defnyddiwyd yr arian a arbedwyd i gefnogi busnesau bach gyda chostau’r pandemig. Mae Cymru wedi eithrio cwmnïau bach a chanolig eu maint yn y sector hamdden a lletygarwch rhag cyfraddau busnes tan fis Ebrill nesaf, tra bod y rheini yn Lloegr yn talu traean o’u cyfraddau arferol o Orffennaf 1 a chyfraddau llawn o Ebrill 1 2022.