Cyfarwyddwr Cyllid Dros Dro

Chris yw Cyfarwyddwr Cyllid Dros Dro Iechyd a Gofal Digidol Cymru, ar ôl ymuno ag IGDC fel Dirprwy Gyfarwyddwr Cyllid yn flaenorol. Gan arwain y timau cyllid a masnachol, fe hyrwyddodd hefyd ddatblygiad dull IGDC o integreiddio gwerth cymdeithasol a chynaliadwyedd i wneud penderfyniadau ariannol. Mae'n uwch arweinydd cyllid gyda phrofiad helaeth yn y GIG, y sector cyhoeddus, gwasanaethau proffesiynol a thechnoleg.

Cyn ymuno â'r sefydliad, gweithiodd Chris mewn rolau yn GIG Cymru, gan gynnwys yn Ymddiriedolaeth GIG Prifysgol Felindre a'r Uned Gomisiynu Cydweithredol Genedlaethol. Mae ei yrfa'n cyfuno arbenigedd cyllid ag arweinyddiaeth systemau, gwerthuso buddsoddiadau a thrafod masnachol gyda chefndir ym meysydd digidol a thrawsnewid. Mae'n dod â phrofiad eang o'i waith mewn rolau ymgynghori yn Deloitte a Capgemini, lle cefnogodd Brif Swyddogion Ariannol y sector cyhoeddus ar fodelau gweithredu, llywodraethu, a rhaglenni newid ar raddfa fawr.

Mae Chris yn Gymrawd Sefydliad Siartredig Cyfrifwyr Rheoli (CIMA) ac mae ganddo radd mewn Economeg o Brifysgol Warwick. Mae'n weithiwr proffesiynol cymwys mewn Cynaliadwyedd (Cymhwyster Hanfodion Cyfrifeg Cynaliadwyedd (FSA)) ac fe enillodd MSc gyda rhagoriaeth mewn Datblygu Cynaliadwy o Brifysgol Sussex. Graddiodd Chris o Academi Arweinyddiaeth y sefydliad Accounting for Sustainability yn 2022, gan ennill Gwobr Eiriolaeth am ei waith yn arwain datblygiad yr agenda Economi Sylfaenol ledled Cymru.

Drwy gydol ei yrfa, mae Chris wedi bod yn chwilio am ddatrysiadau arloesol sy'n creu gwerth parhaol i bobl a'r amgylchedd. Mae'n cael ei gydnabod am ei ymrwymiad i arweinyddiaeth a chydweithio sy'n cael eu harwain gan werthoedd.