Trosolwg perfformiad
Trosolwg perfformiad
Mae Iechyd a Gofal Digidol Cymru (DHCW) yn awdurdod iechyd arbennig sy’n trawsnewid y ffordd y mae gwasanaethau iechyd a gofal digidol yn cael eu darparu o fewn GIG Cymru.
Ffeithiau allweddol 2022-2023
Ein blwyddyn mewn rhifau
Mae
34,955
o ymarferwyr yn defnyddio’r Cofnod Iechyd a Gofal Digidol i gael y wybodaeth gydgysylltiedig orau bosibl am ofal cleifion
Edrychwyd ar
59,000
o ganlyniadau profion endosgopi gan ymarferwyr gofal iechyd ym Mhorth Clinigol Cymru: gan gyfoethogi’r wybodaeth sydd ar gael ar gyfer gofal gwell a mwy diogel
Cynhaliwyd
259,000
o ymgynghoriadau ar gyfer anhwylderau cyffredin ar draws fferyllfeydd cymunedol yng Nghymru, gan ryddhau amser i feddygon teulu ymdrin ag anghenion cleifion oedd angen sylw ar fwy o frys
Roedd
17,410
o ddefnyddwyr misol yn defnyddio Cofnod Gofal Nyrsio Cymru: gan leihau dyblygu, cynyddu diogelwch cleifion a rhyddhau amser nyrsys i ofalu am gleifion
Cynhyrchwyd
2.5
o ganlyniadau ac adroddiadau yn dilyn pelydrau-x a delweddau digidol eraill ar draws GIG Cymru: gan alluogi ymarferwyr i wneud diagnosis o gleifion a gweld eu canlyniadau a’u hadroddiadau yng nghofnod digidol y claf.
Cwblhawyd mwy nag
1.8
o asesiadau poen, a thros
394,000
o asesiadau ar gyfer briwiau pwyso yng Nghofnod Gofal Nyrsio Cymru: gan gefnogi rheolaeth reolaidd o boen cleifion yn ystod eu harhosiad yn yr ysbyty
Roedd
18,840
o ddefnyddwyr yn defnyddio System Wybodaeth Gofal Cymunedol Cymru, gan rannu data a gwybodaeth cleifion rhwng iechyd a gofal cymdeithasol i gael canlyniadau gwell
Cynyddodd nifer y dogfennau cleifion clinigol a storiwyd yn ddigidol o
39
i dros
45
dyna 45 miliwn o ddogfennau nad oes angen eu cadw ar bapur mwyach
Mae cofnod Meddyg Teulu dros
55,000
o drigolion Cymru yn cael ei weld bob mis mewn ysbytai, sy’n golygu y gall eu hymarferydd wneud penderfyniadau gwell am eu gofal
Mae
5,414
o ddefnyddwyr System Rheoli Gwybodaeth Labordy Cymru yn prosesu a rheoli dros
38
o brofion patholeg ar draws labordai yng Nghymru
Mae yna
103
o wasanaethau digidol sy’n sail i wasanaethau rheng flaen ac sy’n galluogi ymarferwyr iechyd a chymunedol i drin a gofalu am ddinasyddion gyda’r wybodaeth gywir ar flaenau eu bysedd, waeth beth fo’u lleoliad daearyddol
Galluogwyd
9
o frechiadau COVID-19 gan System Imiwneiddio Cymru, gan leihau effaith y firws ledled Cymru
Mae yna
2,484
o ddefnyddwyr System Rheoli Stoc Fferylliaeth Ysbytai Cymru: rheoli cyffuriau yn electronig, i leihau gwastraff a chynyddu diogelwch
Bu
220,000
o alwadau i’n Desg Wasanaeth, o geisiadau syml i faterion cymhleth, gyda thargedau datrys i leihau aflonyddwch ar y GIG
Mae
36,307
o ddefnyddwyr System Gweinyddu Cleifion Cymru: rheolaeth ddigidol o apwyntiadau ysbyty ac arosiadau cleifion mewnol mewn ffordd effeithlon ac effeithiol
Ein gweledigaeth
Darparu gwasanaethau digidol o’r radd flaenaf, gan rymuso pobl i fyw bywydau iachach.
Ein pwrpas
Trawsnewid iechyd a gofal i bawb yng Nghymru.
Pwy ydym ni a beth rydym ni’n ei wneud
Mae Iechyd a Gofal Digidol Cymru yn Awdurdod Iechyd Arbennig newydd sydd â rôl bwysig wrth drawsnewid y ffordd y mae gwasanaethau iechyd a gofal yn cael eu darparu.
Fe’n sefydlwyd o dan statud ar 1 Ebrill 2021, ac rydym yn cael ein hariannu’n bennaf gan Lywodraeth Cymru ac yn gweithio’n agos ac mewn partneriaeth â byrddau ac ymddiriedolaethau iechyd, gofal sylfaenol, gofal cymdeithasol, gwyddorau bywyd, diwydiant a’r byd academaidd.
Ein nodau yw ei gwneud yn haws i staff ddarparu gofal, galluogi gwell canlyniadau a phrofiadau i gleifion a helpu pobl i reoli eu hiechyd a’u gofal eu hunain.
- Ein sefydliad
- Ein rôl yw
- Blaenoriaethau strategol
- Sut rydym yn ei wneud
- Fframwaith cynllunio blynyddol
Ein sefydliad
Fel aelod allweddol o deulu GIG Cymru mae ein gwaith yn cael effaith amlwg, fel y gwelir drwy’r 103 o wasanaethau gweithredol a ddefnyddir bob dydd i gefnogi iechyd a gofal ac i gyflawni’r cofnod iechyd digidol sengl.
Rydym yn gweithio’n gyflym ac yn ystwyth i ddatblygu cynhyrchion newydd, i wella gwasanaethau, ac i ymateb i ofynion digidol nas rhagwelwyd, yn ogystal â chyflawni yn erbyn anghenion hirdymor trawsnewid digidol o fewn GIG Cymru.
Yn ystod y flwyddyn daeth y gwaith o recriwtio ein tîm gweithredol i ben a phenodwyd rhai Aelodau Annibynnol newydd i’n Bwrdd, wrth barhau i fireinio ein gweledigaeth, ein cenadaethau a’n portffolios cyflawni drwy ein cynllun strategol, sy’n cefnogi blaenoriaethau system iechyd a gofal Cymru.
Mae pobl wrth galon yr hyn rydym yn ei wneud, felly roeddem yn falch o ennill gwobr Lle Gorau i Weithio ym maes TG y DU Cymdeithas Gyfrifiadurol Prydain ar gyfer 2022 - canmoliaeth i'r sefydliad a phawb sy'n gweithio i Iechyd a Gofal Digidol Cymru.
Rhoddodd y beirniaid farciau uchel am ein hymrwymiad i amrywiaeth a chynhwysiant yn ogystal â sgiliau a datblygiad gyrfa’r staff.
Mae ein model gweithredu hybrid yn golygu bod mwyafrif ein staff yn gweithio o bell am y rhan fwyaf o'r wythnos, tra mae’r rhai y mae’n well ganddynt weithio o'r swyddfa yn gallu gwneud hynny.
Rydym wedi ein strwythuro i saith cyfarwyddiaeth:
- Strategaeth Ddigidol
- Gwasanaethau Gweithredol
- Clinigol
- Gwasanaethau Digidol Gofal Sylfaenol, Cymunedol ac Iechyd Meddwl
- Pobl a Datblygu Sefydliadol
- Cyllid a Sicrwydd Busnes
- Llywodraethu Corfforaethol a Chyfathrebu
Ein rôl yw
Cefnogi staff llinell flaen iechyd a gofal gyda systemau modern o ansawdd uchel a mynediad diogel at wybodaeth am eu cleifion, sydd ar gael lle bynnag maen nhw ei angen
Darparudatrysiadau digidol newyddsy’n helpu staff clinigol i ofalu am gleifion, gan gynnwys gwasanaethau digidol newydd i nyrsys, unedau gofal critigol, fferylliaeth mewn ysbytai, rhagnodi a rheoli meddyginiaethau a gofal cymunedol
Defnyddio data i roi mewnwelediad a gwella canlyniadau, yn ogystal â chefnogi sut mae gwasanaethau iechyd a gofal yn cael eu darparu a sut mae cleifion yn cael mynediad atyn nhw
Helpu pobl Cymru i reoli eu hiechyd eu hunaina gwella o salwch, gyda mynediad at eu cofnod iechyd digidol eu hunain ac apiau o unrhyw ddyfais, gan ei gwneud yn haws cysylltu â gwasanaethau iechyd a gofal
Brwydro yn erbyn seiberdroseddu a gefnogir gan uned seibergadernid bwrpasol a gynhelir ar ran Llywodraeth Cymru
Defnyddio safonau digidol a data i allu datblygu a darparu gwasanaethau digidol yn gyflymach
Diogelu asedau data gwerthfawr trwy foderneiddio’r ffordd y caiff data eu cadw a rhoi polisi 'cwmwl yn gyntaf' ar waith
Darparu’r seilwaith technegol a’r platfform cadarn sydd eu hangen, gan ddefnyddio’r safonau diogelwch uchaf, er mwyn gallu darparu gwasanaethau digidol a data ar gyfer iechyd a gofal yng Nghymru
Blaenoriaethau strategol 2022-23
Galluogi Trawsnewid Digidol
Rydym yn darparu platfform ar gyfer trawsnewid digidol trwy ddiogelu data, seilwaith a gwybodaeth, a thrwy agor pensaernïaeth GIG Cymru i alluogi rhannu data yn gyflymach gyda phartneriaid a chyflenwyr, gan gefnogi gofal cyson cydgysylltiedig.
Darparu technoleg, cynhyrchion data a gwasanaethau o ansawdd uchel
Wrth i dechnoleg ac anghenion iechyd a gofal esblygu, rydym yn datblygu ac yn darparu gwasanaethau safonedig i ddarparwyr iechyd a gofal Cymru, yn ogystal â darparu gwasanaethau newydd yn gyflym i ymdopi â sefyllfaoedd nas rhagwelwyd, wrth gefnogi effeithlonrwydd a gwelliannau mewn prosesau gofal yr un pryd.
Ehangu cynnwys, argaeledd ac ymarferoldeb y cofnod iechyd a gofal digidol
Mae gwybodaeth glinigol a gofal iechyd i ddinasyddion yng Nghymru ar gael i'w darparwyr gofal drwy'r cofnod iechyd a gofal digidol, pryd bynnag a lle bynnag y bo ei hangen, gan helpu i wella ansawdd triniaeth. Wrth symud ymlaen, bydd mwy o elfennau'r cofnod ar gael yn uniongyrchol i ddinasyddion.
Sbarduno gwerth ac arloesedd ar gyfer canlyniadau gwell a gofal Seiliedig ar Werth
Mae'r angen am ddata cywir ar gyfer mewnwelediadau a dadansoddeg yn bwysicach nag erioed i wella iechyd a gofal. System wedi’i sbarduno gan ddata sy’n cynyddu gwerth mewn gofal iechyd trwy wybodaeth amserol i helpu i wneud penderfyniadau a sicrhau canlyniadau gwell.
Bod yn bartner strategol yr ymddiriedir ynddo ac yn sefydliad cynhwysol ac uchelgeisiol sy’n perfformio’n dda ac sy’n cefnogi ein gweithlu a’n rhanddeiliaid.
Mae bod yn un o sefydliadau GIG Cymru yr ymddiriedir ynddo yn allweddol i gyflawni gweledigaeth Iechyd a Gofal Digidol Cymru yn llwyddiannus a chyflawni popeth a ddisgwylir gennym.
Sut rydym yn ei wneud
Nod Iechyd a Gofal Digidol Cymru yw bod yn gyflogwr rhagorol ac yn lle gwych i weithio.
Mae datblygu ein pobl yn rhan allweddol o'n cenadaethau strategol. Mae cefnogi datblygiad talent, arweinyddiaeth dosturiol, a datblygiad parhaus yn llinyn euraidd sy'n rhedeg trwy bopeth a gyflwynir eleni ac a gynllunnir ar gyfer y dyfodol.
Lansiwyd ein Strategaeth Pobl a Datblygu Sefydliadol (OD) ym mis Hydref 2022, gan roi arwydd clir o bwysigrwydd y gweithlu presennol ac ar gyfer denu a chadw talent newydd.
Ein Gweledigaeth Pobl a Datblygu Sefydliadol:
Lle gwych i weithio lle mae ein pobl yn ymgysylltu’n llawn, yn perfformio’n dda ac yn ymgorffori ein gwerthoedd a’n hymddygiad.
Byddwn yn cyflawni hyn trwy ymuno â'r rhain chwe thema i siapio ein gweithlu.
Yn ystod 2022-2023 rydym wedi canolbwyntio ar roi’r blociau adeiladu canlynol ar waith i gefnogi’r sefydliad i ddod yn:
- gyflogwr o ddewis
- sefydliad dysgu - cefnogi cymwysterau, deall bylchau sgiliau a buddsoddi mewn datblygiad parhaus, gwelliant, a chaffael sgiliau
- un sy’n cael ei gydnabod am ei arweinyddiaeth, datblygu talent a diwylliant
- sefydliad y mae ei waith cynllunio gweithlu yn cefnogi gwneud penderfyniadau, recriwtio yn y proffesiynau cywir, canolbwyntio ar archwilio a rheoli risg, a buddsoddiadau mewn bylchau sgiliau allweddol
- sefydliad sydd wedi ymrwymo i ddatblygu ffyrdd newydd cefnogol o weithio ochr yn ochr ag uwchsgilio rheolwyr i weithio’n wahanol gyda’r dull gweithio hybrid, er mwyn cael y gorau o ymdrechion pawb a chyflawni safonau uchel o berfformiad yn unigol ac fel tîm
- sefydliad sy'n buddsoddi mewn ymgysylltu amrywiol, gweithio mewn partneriaeth a diwylliant o wrando a dysgu
- un sy’n cael ei gydnabod fel sefydliad sydd â mentrau llesiant cefnogol i bawb
Mae polisïau a strategaethau gweithlu newydd a ddatblygwyd yn ystod y flwyddyn wedi'u llunio mewn gwir bartneriaeth â'r undebau llafur a'r gweithlu ehangach, gan gynnwys rhanddeiliaid a rhwydweithiau allanol.
Ein diwylliant, gwerthoedd ac ymddygiadau
Mae bod yn bartner dibynadwy yn elfen hanfodol ar gyfer cyflawni ein gweledigaeth a'n gwerthoedd yn llwyddiannus ac ar gyfer cyflawni popeth a ddisgwylir gennym.
Mae ein harweinwyr yn cael eu herio i fod yn emosiynol ddeallus, i groesawu newid a cheisio arloesi a gwelliant parhaus i gyflawni'r canlyniadau y mae ein rhanddeiliaid yn eu gwerthfawrogi a'u heisiau, gan ysbrydoli ac annog eu timau i wneud yr un peth.
Mae gwerthoedd yn cael effaith gadarnhaol ar ein hunaniaeth yn fewnol ac yn allanol ac maent yn hanfodol i lywio ein diwylliant.
Cydraddoldeb, amrywiaeth a chynhwysiant
Ym mis Mawrth 2023 lansiwyd Cynllun Cydraddoldeb Strategol newydd gennym sy'n ymgorffori ymrwymiadau gwrth-fwlio a gwrth-hiliaeth sefydliadol. Mae'n atgyfnerthu pwysigrwydd cydraddoldeb, amrywiaeth a chynhwysiant i Iechyd a Gofal Digidol Cymru ac mae'n cynnwys ystod o ymrwymiadau newydd i'w cyflawni dros y blynyddoedd i ddod.
Merched yw 42 y cant o'n cyflogeion, a 50 y cant o'n Bwrdd o Aelodau Annibynnol a Chyfarwyddwyr Gweithredol. Cyfartaledd diwydiant TG y DU yw 23 y cant, a dim ond pump y cant ohonynt sydd mewn swyddi arwain, ond mae mwy o waith i’w wneud i wella amrywiaeth mewn meysydd technegol, ac i ystyried yr angen am y safbwynt benywaidd wrth ddatblygu cynhyrchion technegol o fewn iechyd a gofal.
Daw wyth y cant o'n gweithlu o gymuned ddu, Asiaidd neu leiafrifol ethnig a'n nod yw cynyddu'r nifer hwn.
Mae cofleidio gwahaniaeth a chynnwys pawb yn rhan sylfaenol o ddatblygu cymuned ein gweithle ac mae hynny'n golygu adeiladu a datblygu timau sy'n amrywiol a chynhwysol, waeth beth fo'u hoedran, rhyw, anabledd, cyfeiriadedd rhywiol, crefydd neu ethnigrwydd.
Rydym wedi ymrwymo i ddatblygu diwylliant sefydliadol cynhwysol ac amrywiol ac amgylchedd gwaith gwych, lle mae pobl yn teimlo eu bod yn cael eu gwerthfawrogi, yn cael y cyfle i ddatblygu, cael eu clywed, a chael dealltwriaeth glir o'r rhan y maent yn ei chwarae wrth gyflawni ein gweledigaeth a'n canlyniadau - gan gyfrannu at ein gwerth wrth ddarparu profiad defnyddiwr heb ei ail - a dyna pam, o fis Ebrill 2023 ymlaen, bydd gennym rwydwaith Cydraddoldeb, Amrywiaeth a Chynhwysiant (EDI) newydd, yn cefnogi ac yn dathlu pawb o fewn y gweithlu, gan ddarparu cyfleoedd ar gyfer mewnbwn a llais y gweithwyr.
Cynllunio’r gweithlu yn strategol
Yn dilyn Adolygiad Gweithlu Digidol Llywodraeth Cymru yn 2022, byddwn yn dechrau ar y gwaith sydd ei angen i ddatblygu’r proffesiwn digidol ar draws GIG Cymru, gan sicrhau ein bod yn adeiladu gweithlu ar gyfer y dyfodol.
Bydd hyn yn cefnogi llwybrau gyrfa clir, rolau swyddi cyson a buddsoddiad allweddol mewn hyfforddiant a datblygiad, uwchsgilio a datblygu sgiliau digidol blaengar, gan gefnogi rhaglenni trawsnewid cenedlaethol o 2023 ymlaen.
Mae ein partneriaeth ag Athrofa Cymru ar gyfer Gwybodaeth Ddigidol (WIDI) yn sail i’n cydweithrediad â’r sector prifysgolion. Mae cynllun manwl sy’n ymateb i anghenion cylch cynllunio’r gweithlu 2023 yn cael ei ddatblygu i dargedu a chefnogi’r proffesiwn digidol ledled Cymru, ac i ddarparu cronfeydd cadarn o dalent newydd.
Wedi ymrwymo i 'dyfu ein gweithlu ein hunain' a chefnogi cenedlaethau'r dyfodol, rydym yn cynnig dysgu a datblygiad i holl bobl Iechyd a Gofal Digidol Cymru ar bob cam o’u gyrfa.
Bydd ein hymrwymiad i raddedigion a phrentisiaethau yn cynyddu ymhellach yn 2023, gyda’r hyn a ddysgir o gylch cynllunio’r gweithlu yn strategol yn cael ei ddefnyddio i lywio ein gwaith gyda’r sector addysg.
Y gymraeg
Sefydlodd Mesur y Gymraeg (Cymru) fframwaith cyfreithiol i osod dyletswyddau ar rai sefydliadau i gydymffurfio â safonau. Roedd yn ofynnol yn flaenorol i Iechyd a Gofal Digidol Cymru (fel hen Wasanaeth Gwybodeg GIG Cymru) gydymffurfio â’r safonau hyn fel un o gyrff a gynhelid gan Ymddiriedolaeth GIG Prifysgol Felindre. Daeth y gofyniad hwn i ben pan sefydlwyd Iechyd a Gofal Digidol Cymru a oedd wedyn, fel Awdurdod Iechyd Arbennig heb safonau wedi’u cyhoeddi, yn gorfod datblygu Cynllun Iaith Gymraeg o dan Ddeddf yr Iaith Gymraeg 1993. Fodd bynnag, rydym wedi parhau i weithio i'r safonau wrth i ni ddatblygu ein Cynllun Iaith Gymraeg.
Yn ystod 2022-23 buom yn gweithio gyda Chomisiynydd y Gymraeg i gytuno ar ein Cynllun Iaith Gymraeg sy’n ein hymrwymo i ddarparu lefel o wasanaethau Cymraeg sy’n cyfateb i Safonau’r Gymraeg sy’n cael eu mabwysiadu gan sefydliadau cyhoeddus tebyg yng Nghymru.
Nod y Cynllun Iaith Gymraeg newydd yw:
- Rhoi mwy o eglurder i’r sefydliad ynglŷn â’i ddyletswyddau mewn perthynas â’r Gymraeg
- Rhoi arweiniad i siaradwyr Cymraeg ynglŷn â’r gwasanaethau y gallant ddisgwyl eu derbyn yn Gymraeg
- Sicrhau bod y Gymraeg yn cael ei gwreiddio yn y broses o ddarparu a datblygu gwasanaethau
Mae’r gweithgareddau yr ymgymerir â nhw ledled y sefydliad i hyrwyddo defnyddio’r Gymraeg yn weithredol yn cynnwys:
- datblygu tîm amlddisgyblaethol, sy’n cynnwys siaradwyr Cymraeg. Arweinir y tîm gan Ysgrifennydd y Bwrdd a Rheolwr Gwasanaethau’r Gymraeg i sicrhau bod gofynion y Gymraeg yn cael eu hystyried ym mhob datblygiad presennol a newydd.
- datblygu a gweithredu Strategaeth Sgiliau Dwyieithog Iechyd a Gofal Digidol Cymru
- datblygu ymateb Iechyd a Gofal Digidol Cymru i gynllun 5 mlynedd grŵp gorchwyl a gorffen Mwy Na Geiriau
- cynnal cytundeb lefel gwasanaeth gyda Phartneriaeth Cydwasanaethau GIG Cymru ar gyfer gwasanaethau cyfieithu
- sefydlu cytundeb lefel gwasanaeth i ddarparu cyfieithu ar y pryd mewn cyfarfodydd bwrdd sy'n cael eu ffrydio'n fyw
- cynorthwyo Comisiynydd y Gymraeg gydag ymchwiliadau
- sicrhau bod cyrsiau Cymraeg ar gael i bob aelod staff (o lefel blasu i gyrsiau preswyl uwch)
- datblygu tudalen Gymraeg newydd ar SharePoint ymhellach i roi arweiniad i aelodau staff sydd am ddeall eu dyletswyddau deddfwriaethol ac archwilio cyfleoedd i ddysgu a gwella eu sgiliau Cymraeg
- ymgysylltu â datblygiadau newydd megis Ap GIG Cymru a’r system Mamolaeth
Rydym wedi ymrwymo i ychwanegu at yr hyfforddiant a’r gweithgareddau Cymraeg a ddarperir gennym ar hyn o bryd i hybu defnydd o’r Gymraeg yn y gweithle.
- Mae 96% o staff wedi diweddaru eu sgiliau Cymraeg ar y Cofnod Staff Electronig
- Mae 92% o staff wedi cwblhau cwrs ymwybyddiaeth o'r Gymraeg
- Mae ychydig dros 12% o staff yn siarad Cymraeg ar lefel 2 neu uwch
- Swyddi Newydd a Gwag. Dosbarthwyd nifer y swyddi fel a ganlyn:
- Sgiliau Cymraeg Hanfodol = 6
- Mae angen dysgu sgiliau Cymraeg = 0
- Sgiliau Cymraeg yn ddymunol = 470
- Nid yw sgiliau Cymraeg yn angenrheidiol = 7
- Ni chafwyd unrhyw gwynion am y Gymraeg yn ystod y cyfnod 2022-23
Fframwaith cynllunio blynyddol 2022-2023
Ym mis Tachwedd 2021, cyhoeddodd Llywodraeth Cymru ei chanllawiau ynghylch y fframwaith cynllunio, gan ddychwelyd at Gynllun Tymor Canolig Integredig tair blynedd i ddisodli trefniant cynllun blynyddol y flwyddyn flaenorol.
Cymeradwywyd y Cynllun Tymor Canolig Integredig gan ein Bwrdd, fe’i cyflwynwyd i Lywodraeth Cymru ar ddiwedd mis Mawrth 2022 a’i dderbyn a’i nodi gan y Gweinidog Iechyd a Gwasanaethau Cymdeithasol ym mis Gorffennaf 2022. Darparwyd adborth gan Lywodraeth Cymru fel set o ofynion ac amodau atebolrwydd, a ddisgrifir yn ein Hadroddiad Atebolrwydd.
Risg sefydliadol a llywodraethu
Mae rheoli risg yn elfen allweddol o lywodraethu corfforaethol sy'n cryfhau ein gallu i gyflawni ein hamcanion.
Mae ein Strategaeth Fframwaith Risg a Sicrwydd y Bwrdd yn nodi’r dull sefydliadol o ymdrin â’r prif risgiau i’r amcanion strategol a sut y bydd y Bwrdd yn cael sicrwydd ynglŷn â’r prif risgiau hynny.
Cefnogir y strategaeth hon gan system rheoli risg ar draws y sefydliad sy'n galluogi ac yn grymuso staff i nodi, asesu, rheoli a, lle bo angen, uwchgyfeirio risgiau. Ceir rhagor o fanylion am hyn yn ein Datganiad Llywodraethu Blynyddol.
Risgiau allweddol i'n cynllun
Cyd-destun gweithredu
Mae ein cynllun a’n hamcanion wedi’u seilio ar ddogfennau cyfreithiol a pholisi. Mae’r rhain yn cynnwys:
Cymru Iachachcynllun hirdymor Llywodraeth Cymru ar gyfer Iechyd a Gofal Cymdeithasol
Strategaeth Ddigidol i Gymru Gweledigaeth genedlaethol Llywodraeth Cymru ar gyfer mabwysiadu dull digidol ar y cyd o foderneiddio gwasanaethau cyhoeddus.
Mae ein cynllun hefyd yn cynrychioli gofynion y Blaenoriaethau Gweinidogol ehangach a'r Rhaglen Lywodraethu.
Mae’r diagram canlynol yn egluro sut mae Cenadaethau a Phortffolios Strategol Iechyd a Gofal Digidol Cymru yn cyd-fynd â Blaenoriaethau Gweinidogol a Rhaglen Lywodraethu Llywodraeth Cymru:
cenadaethau a phortffolios iechyd a gofal digidol cymru 2022-23 wedi’u mapio i flaenoriaethau gweinidogol a’r rhaglen lywodraethu
Cenadaethau a phortffolios iechyd a gofal digidol cymru 2022-23 wedi'u mapio i flaenoriaethau gweinidogol a’r rhaglen lywodraethu
Datblygu agwedd ‘llwyfan agored’ at arloesi digidol, drwy ymateb i safonau cenedlaethol ar gyfer sut mae data, meddalwedd a thechnolegau’n gweithio gyda’i gilydd, a sut mae partneriaid allanol yn gweithio gyda’r llwyfan digidol cenedlaethol a’r adnodd data cenedlaethol.
Datblygu fframwaith, safonau a mecanweithiau Llywodraethu Gwybodaeth a Seiberddiogelwch, sy’n blaenoriaethu diogelwch a chyfrinachedd cleifion a defnyddwyr gwasanaeth, ac yn diogelu data rhag bygythiadau allanol a mewnol, gan arwain at gadw data yn ddiogel a gallu ymddiried yn GIG Cymru i edrych ar ôl gwybodaeth bersonol cleifion a defnyddwyr gwasanaeth.
Datblygu a chynnal seilwaith cenedlaethol o ansawdd uchel, gan drosglwyddo i’r cwmwl er mwyn sicrhau gwell argaeledd, dibynadwyedd, diogelwch, gwarchodaeth, cyflymder ac ystwythder.
Dod yn bartner strategol dibynadwy ac yn sefydliad sy’n perfformio’n dda, yn gynhwysol ac yn uchelgeisiol
Gwella ac ehangu cynnwys, argaeledd ac ymarferoldeb y Cofnod Iechyd a Gofal Digidol, ar draws ffiniau byrddau iechyd a daearyddol a chefnogi gwneud penderfyniadau ar sail tystiolaeth a chysylltedd gan ddefnyddio e-lyfrgell GIG Cymru a chyfres Microsoft Office 365.
Datblygu fframwaith Llywodraethu Gwybodaeth a Seiberddiogelwch, safonau a mecanweithiau sy’n blaenoriaethu diogelwch a chyfrinachedd cleifion a defnyddwyr gwasanaeth, ac yn diogelu data rhag bygythiadau allanol a mewnol, gan arwain at ddata’n aros yn ddiogel ac ymddiried yn GIG Cymru i gadw gwybodaeth bersonol cleifion a defnyddwyr gwasanaeth.
Ehangu cynnwys, argaeledd ac ymarferoldeb y cofnod iechyd a gofal digidol
Sbarduno gwerth ac arloesedd ar gyfer canlyniadau gwell a gofal sy’n seiliedig ar werthe
Cefnogi’r gweithlu iechyd a gofal darparu technoleg, cynhyrchion data a gwasanaethau o ansawdd uchel
Datblygu, gweithredu a chynnal set o wasanaethau digidol cenedlaethol o ansawdd uchel i gefnogi Rhaglenni atal ac ymyrraeth gynnar Iechyd y Cyhoedd.
Creu seilwaith digidol ar draws gofal sylfaenol a chymunedol drwy ddatblygu, gweithredu a chynnal set o wasanaethau digidol cenedlaethol o ansawdd uchel sy’n adlewyrchu modelau newydd o ofal lleol, yn nes at y cartref.
Datblygu, gweithredu a chynnal set o wasanaethau digidol cenedlaethol o ansawdd uchel i alluogi modelau newydd o ofal a rheolaeth cleifion wedi’i gynllunio a heb ei drefnu.
Datblygu, gweithredu a chynnal gwasanaethau digidol cenedlaethol o ansawdd uchel i alluogi moderneiddio diagnosteg.
Datblygu, gweithredu a chynnal set o wasanaethau digidol cenedlaethol o ansawdd uchel i alluogi moderneiddio rheolaeth meddyginiaethau.
Darparu mewnwelediadau ymchwil ac arloesedd ar gyfer gwella gwasanaethau
Sbarduno gwerth o ddata er mwyn cael canlyniadau gwell i gleifion a chynllunio gwasanaethau yn well.
Ansawdd y gwasanaethau i sbarduno gwelliannau yn iechyd a gofal y boblogaeth
Daw ein cyfraniad at iechyd a gofal y boblogaeth o’r systemau digidol a ddarparwn sy’n trawsnewid y ffordd y mae gweithwyr iechyd proffesiynol yn gweithio i ofalu am gleifion ac i bobl gael mwy o ran yn y gwaith o reoli eu gofal eu hunain. Rydym hefyd yn cefnogi'r Ganolfan Gwerth mewn Iechyd trwy gasglu data perthnasol, gan gynnwys data canlyniadau, y byddwn wedyn yn eu cyfuno, eu dadansoddi a'u cyflwyno mewn cyfres o ddangosfyrddau yn ymwneud â chyflyrau penodol (fel epilepsi, arthroplasti’r pen-glin, methiant y galon, canser yr ysgyfaint). Mae’r cynhyrchion gwybodaeth hyn yn cefnogi gwneud penderfyniadau o fewn GIG Cymru ac yn helpu i ysgogi gwelliannau mewn iechyd a gofal.
Mae holl wasanaethau Iechyd a Gofal Digidol Cymru yn cael eu cynllunio yn unol â chyd-destun ehangach blaenoriaethau Llywodraeth Cymru, sy'n ystyried tueddiadau mewn iechyd a'r gwelliant disgwyliedig mewn canlyniadau i gleifion. Mae ansawdd gwasanaethau digidol Iechyd a Gofal Digidol Cymru yn cael eu monitro trwy gyfuniad o:
- Argaeledd Gwasanaeth, a ddisgrifir yn ddiweddarach yn yr adroddiad hwn
- Byrddau Rheoli Gwasanaethau sy’n cynnwys cynrychiolwyr o bob rhan o GIG Cymru, sy’n gyfrifol am sicrhau bod argaeledd a defnyddioldeb gwasanaethau digidol yn diwallu eu hanghenion
- Arweinwyr digidol Byrddau Iechyd ac Ymddiriedolaethau sy’n monitro ansawdd y gwasanaeth a dderbynnir mewn perthynas â’r Cytundebau Lefel Gwasanaeth sydd gennym gyda phob sefydliad partner o fewn GIG Cymru
Anghenion y boblogaeth sy'n gysylltiedig â themâu allweddol y gig
Disgrifir themâu allweddol y GIG uchod fel blaenoriaethau gweinidogol ac mae'r diagram yn disgrifio sut mae portffolios Iechyd a Gofal Digidol Cymru yn cyd-fynd â phob blaenoriaeth. Ym mhob un o bortffolios Iechyd a Gofal Digidol Cymru ar gyfer 2022-23, mae sawl menter, sy'n bodloni'r gofynion o ran trawsnewid y ffordd y mae GIG Cymru yn darparu iechyd a gofal drwy gefnogi a galluogi technoleg ddigidol.
Llywodraethu yn ystod covid-19
Wrth i gyfyngiadau’r pandemig leddfu fe wnaethom ddychwelyd i fusnes fel arfer, gan gau ein strwythur ymateb brys. Fodd bynnag, parhaodd y gofynion digidol ar gyfer y rhaglen frechu, ac mae gwasanaethau Profi, Olrhain, Diogelu wrth gefn yn dal yn eu lle i gefnogi Covid-19, pe bai angen; mae'r ddau hyn wedi parhau'n rhan greiddiol o'n darpariaeth am y flwyddyn.
Deddf llesiant cenedlaethau’r dyfodol (cymru) 2015
Mae datrysiadau a gwasanaethau digidol yn cyfrannu at weithredu Deddf Llesiant Cenedlaethau’r Dyfodol (Cymru) 2015, sy’n ei gwneud yn ofynnol i gyrff cyhoeddus yng Nghymru feddwl am effaith hirdymor eu penderfyniadau, gweithio’n well gyda phobl, cymunedau a’i gilydd, ac ymdrin â thlodi, anghydraddoldebau iechyd a newid hinsawdd.
Ein hamcanion llesiant strategol
- Cyfrifol ar lefel fyd-eangYmgorffori diwylliant cynaliadwy i gyfyngu ar yr effaith ar yr amgylchedd.
- Llewyrchus Gweithio i gryfhau’r gydnabyddiaeth ryngwladol i GIG Cymru fel Canolfan Ragoriaeth ar gyfer arloesi digidol.
- Cydnerth Gwella iechyd a llesiant dinasyddion Cymru, gan helpu i gynnal poblogaeth iach a chynhyrchiol sy’n cyfrannu at gymdeithas.
- Iachach Cefnogi’r broses o rannu gwybodaeth arbenigol fel bod dinasyddion Cymru mewn sefyllfa well i gael mynediad at y gofal iechyd gorau posibl pan fydd arnynt ei angen.
- Mwy cyfartalDenu a datblygu sgiliau a darparu cyfleoedd ar gyfer cenedlaethau’r presennol a’r dyfodol.
- Cymunedau cydlynus Hyrwyddo diwylliant o wirfoddoli trwy greu’r amodau i ddinasyddion rannu eu profiad a dysgu sgiliau newydd.
- Diwylliant bywiog lle mae'r Gymraeg yn ffynnu Cymryd camau pendant i hybu defnydd o’r Gymraeg.
Bydd Iechyd a Gofal Digidol Cymru yn dod yn ddarostyngedig i’r Ddeddf ar 1 Ebrill 2024. Ond yn ystod y flwyddyn fe wnaethom ddilyn ein hegwyddorion sy’n cyd-fynd â’r Ddeddf.
Mae ein rôl yn cyd-fynd ag anghenion digidol Cymru Iachach a chynllun hirdymor Llywodraeth Cymru ar gyfer Iechyd a Gofal Cymdeithasol. Mae pob un o’r saith nod llesiant hefyd yn cyd-fynd â’n dull gweithredu a byddant yn parhau i gael eu datblygu.
Drwy gydol y flwyddyn, rydym wedi adolygu cynnydd yn erbyn gweithgareddau ar gyfer pob amcan ac wedi nodi gweithgareddau ychwanegol lle bo angen. Dyma rai o’r cyflawniadau allweddol yn ystod 2022-23:
Rydym wedi cyflymu trawsnewidiad digidol iechyd a gofal o fewn GIG Cymru fel y partner cyflawni y gellir ymddiried ynddo ar gyfer gwasanaethau iechyd a gofal digidol.
ydym wedi parhau i ehangu cynnwys, argaeledd ac ymarferoldeb y Cofnod Iechyd a Gofal Digidol fel bod ansawdd gofal a thriniaeth yn cael ei wella
Rydym wedi gweithio gyda’n partneriaid cyflawni ar y cynllun ar gyfer Gwasanaethau Digidol ar gyfer Cleifion a’r Cyhoedd, gan gynnwys ap dwyieithog GIG Cymru, a fydd yn cynorthwyo dinasyddion Cymru i gymryd rhan fwy gweithredol yn eu hiechyd a’u lles.
Rydym wedi gweithio i gyflawni map trywydd ein Cynllun Cyflawni Strategol Datgarboneiddio ar gyfer 2022-23 ac wedi dod i ddeall y ffordd y gall ein hatebion digidol gyfrannu at agenda datgarboneiddio gyffredinol GIG Cymru.
Rydym wedi sefydlu ffocws newydd ym meysydd ymchwil ac arloesi
Rydym wedi parhau i hyrwyddo a chefnogi gweithgareddau sy'n dathlu amrywiaeth a chynhwysiant.
Rydym wedi parhau i hybu a chefnogi’r defnydd o’r Gymraeg ac mae gennym bellach Gynllun Iaith Gymraeg sydd wedi ei gymeradwyo.
Rydym wedi gweithio ar sail Cymru gyfan i rannu arfer gorau a chroesawu gweithio mewn partneriaeth, gan gynnwys partneriaethau cymdeithasol.
Rydym wedi lansio hyb arloesi Microsoft pwrpasol ar gyfer staff.
Rydym wedi gweithio gyda Phrifysgol Cymru Y Drindod Dewi Sant (PCYDDS) i hyrwyddo a chyflwyno diwylliant o groesawu newid drwy gymhwyster newydd sy’n uwchsgilio ac yn grymuso staff.