Mae Iechyd a Gofal Digidol Cymru (IGDC) yn gorff cenedlaethol arbenigol ac yn rhan o GIG Cymru.
Rydym yn gweithio mewn partneriaeth â chydweithwyr yn GIG Cymru a rhanddeiliaid allweddol eraill i ddarparu gwasanaethau digidol a data cenedlaethol sy’n cefnogi’r gwaith o ddarparu iechyd a gofal cymdeithasol yng Nghymru.
Mae ein gwefan yn un ffordd yr ydym yn cyfleu gwybodaeth am ein gwasanaethau i randdeiliaid, gan gynnwys cleifion, y cyhoedd, a byrddau iechyd GIG Cymru.
Mae IGDC wedi ymrwymo i wneud ein gwefan yn hygyrch, yn unol â Rheoliadau Hygyrchedd Cyrff y Sector Cyhoeddus (Gwefannau ac Apiau Symudol) (Rhif 2) 2018. Mae hyn yn cynnwys gwneud ein gwefannau ac apiau symudol yn hygyrch a chyhoeddi datganiad hygyrchedd.
Rhaid i gyrff cyhoeddus gydymffurfio â fersiwn 2.2 o ofynion AA y Canllawiau Hygyrchedd Cynnwys Gwe (WCAG) ar lefelau A ac AA.
Mae’r rheoliadau hyn yn nodi, pan nad yw’n ymarferol i gorff sector cyhoeddus fodloni un o’r gofynion hygyrchedd hyn, er enghraifft oherwydd ei fod yn anodd neu’n rhy ddrud ei ddatrys, bod yn rhaid iddo ddarparu asesiad baich anghymesur.
Rydym wedi paratoi’r asesiad baich anghymesur hwn i ddisgrifio pam na allwn gynnig fersiynau cwbl hygyrch o ran o gynnwys y wefan, yn benodol dogfennau PDF.
Mae gwefan IGDC yn cynnwys nifer fawr o PDFs nad ydynt yn bodloni canllawiau hygyrchedd WCAG 2.2. Ym mis Ebrill 2025, roedd cyfanswm o 1,093, sydd wedi’u creu gan awduron amrywiol dros nifer o flynyddoedd. Mae’r rhain yn dechnegol neu’n gorfforaethol yn bennaf, ac maent yn ymwneud yn bennaf ag:
Mae rhai o’r problemau yn y PDFs a nodwyd yn cynnwys:
Rydym ni’n credu bod cyfanswm yr amser a’r gost o drwsio’r holl ddogfennau PDF hyn i fodloni safonau hygyrchedd yn faich anghymesur.
Rydym yn amcangyfrif y byddai’n cymryd hyd at 3 awr i drwsio pob dogfen i’r gofynion hygyrchedd a argymhellir yn WCAG 2.2. Mae hyn oherwydd bod nifer sylweddol o’r dogfennau yn arbennig o hir a chymhleth, fel papurau bwrdd. Yn 2024, hyd cyfartalog ein papurau bwrdd oedd 224 tudalen y ddogfen.
I drwsio pob un o’r 1,093 PDF, gallai gymryd hyd at 437 diwrnod gwaith (yn seiliedig ar ddiwrnod gwaith arferol IGDC o 7.5 awr). Byddai hyn yn cymryd adnoddau’r tîm Cyfathrebu oddi wrth waith arall â blaenoriaeth uchel, gan gynnwys datblygu tudalennau HTML newydd yn barhaus.
Rydym yn gwybod y gall fod yn anodd darllen a deall dogfennau PDF anhygyrch. Rydym yn cynnig cymorth amgen i ddefnyddwyr sydd ag anghenion mynediad ychwanegol. I wneud cais am PDF hygyrch, print bras, hawdd ei ddeall, braille neu recordiad sain, e-bostiwch dhcw-enquiries@wales.nhs.uk. Byddwn yn ystyried eich cais ac yn cysyllt â chi mewn 10 diwrnod.
Rydym yn darparu’r holl gynnwys sy’n hanfodol i ddarparu gwasanaeth mewn fformat HTML, gan gynnwys gwybodaeth am ein gwasanaethau, ein rhaglenni a’n cynnyrch. Mae tudalennau sy’n cynnal PDFs yn cael lefel llawer is o draffig, sy’n golygu bod nifer y bobl a fyddai’n elwa o’r datrysiadau hygyrchedd yn llai.
Er enghraifft, mae nifer y defnyddwyr unigryw ar dudalennau sy’n cynnwys PDFs papurau’r Bwrdd yn cyfrif am 0.46% o holl ddefnyddwyr y wefan:
(Yn seiliedig ar 12 mis o ddata Google Analytics a gasglwyd o 1 Mawrth 2024 – 28 Chwefror 2025).
Rydym wedi ymrwymo i wella hygyrchedd. Rydym eisiau i bob defnyddiwr allu llywio a deall ein cynnwys.
Mae’r tîm Cyfathrebu yn gyfrifol am gyhoeddi’r rhan fwyaf o’r wybodaeth sefydliadol a gwybodaeth a arweinir gan wasanaeth ar y wefan. Rydym wedi creu map ffordd gyda thair ffrwd waith sy’n canolbwyntio ar wella profiad defnyddwyr a lleihau ymhellach nifer y PDFs anhygyrch ar y wefan. Y ffrydiau gwaith hyn yw:
Ym mis Mawrth 2025, fe wnaethom ddechrau archwiliad o’r wefan gyfan i fynd i’r afael â’r holl gynnwys PDF anhygyrch hanesyddol. Ein nod yw gwerthuso pob dogfen a phennu ei gwerth yn seiliedig ar faint o bobl sy’n ymweld â hi, ei phwysigrwydd i barhad busnes, a’i heffaith ar ddefnyddwyr terfynol. Byddwn yn defnyddio’r wybodaeth hon, ynghyd â chynnwys y PDF, i benderfynu a ddylem:
Ein nod yw cwblhau’r archwiliad hwn erbyn mis Mawrth 2026. Byddwn yn darparu diweddariad yma ym mis Mawrth 2026.
Mae gennym ffrwd waith ar wahân ar gyfer dogfennau bwrdd (a nodir isod) oherwydd eu maint a sut y cânt eu creu.
Fel rheol, nid yw’r tîm Cyfathrebu bellach yn ychwanegu PDFs at y wefan pan ofynnir am hyn. Yn lle hynny, rydym naill ai’n trosi’r deunydd ffynhonnell i dudalennau HTML neu’n awgrymu lle arall i gyhoeddi’r PDF.
Fodd bynnag, mae adegau prin pan fydd fformat PDF yn cael ei ystyried yn hanfodol at ddibenion busnes neu adrodd, fel ein papurau bwrdd.
Ar hyn o bryd mae tîm Llywodraethu Corfforaethol IGDC yn defnyddio meddalwedd o’r enw AdminControl i greu a rheoli papurau’r bwrdd a gyhoeddir ar y wefan. Nid yw’r feddalwedd hon yn bodloni nifer o feini prawf cydymffurfio WCAG 2.2, er enghraifft, mae gan y dogfennau y mae’n eu cynhyrchu:
Rydym yn ymwybodol o hyn ac yn gweithio gyda AdminControl i wneud y gwelliannau sydd eu hangen. Fel ag yr oedd ym mis Mawrth 2025, mae AdminControl wedi trefnu y bydd gwaith gwella hygyrchedd yn cael ei gwblhau erbyn diwedd 2025. Byddwn yn parhau i weithio gyda thîm datblygu’r cynnyrch i dracio cynnydd.
I ategu hyn, rydym yn gwella hygyrchedd y templedi rydym yn eu cyflwyno i AdminControl, gan gynnwys lleihau nifer y tablau diangen a gosod y cyferbyniad lliw cywir. Rydym hefyd yn darparu arweiniad pellach i staff am offer gwirio hygyrchedd a’u cyfrifoldebau fel cyhoeddwyr dogfennau.
Yn 2022, datblygwyd papur yn argymell bod IGDC yn symud i ddull cyhoeddi HTML yn gyntaf. Roedd y papur yn amlinellu’r camau ymarferol sydd eu hangen i leihau dibyniaeth y sefydliad ar PDFs. Roedd yn mynd i’r afael â:
Mae gwaith yn parhau yn y meysydd hyn. Ers dechrau, mae nifer y dogfennau PDF newydd sy’n cael eu hychwanegu at y wefan wedi lleihau’n sylweddol, ac mae llawer o brif gyhoeddiadau IGDC wedi’u cyhoeddi yn HTML am y tro cyntaf, gan gynnwys yr Adroddiad Blynyddol (2023 ymlaen) a’r Strategaeth Sefydliadol (2024).
Rydym yn cynnig cymorth amgen i ddefnyddwyr sydd ag anghenion mynediad ychwanegol. I wneud cais am PDF hygyrch, print bras, hawdd ei ddeall, braille neu recordiad sain, e-bostiwch dhcw-enquiries@wales.nhs.uk. Byddwn yn ystyried eich cais ac yn cysyllt â chi mewn 10 diwrnod.
Paratowyd yr asesiad hwn ym mis Mawrth 2025. Bydd yn cael ei ddiweddaru i adlewyrchu cynnydd pellach ym mis Mawrth 2026.