Cofnod Gofal Integredig
Mae prif nodau ac amcanion y fenter Cofnod Gofal Integredig yn canolbwyntio ar feithrin cydlynu gofal yn well, sy’n galluogi darparu gofal integredig ar draws gwasanaethau iechyd a gofal cymdeithasol, ac yn y pen draw yn gwella canlyniadau cleifion a defnyddwyr gwasanaeth. Trwy ddarparu golwg unedig o wybodaeth cleifion a defnyddwyr gwasanaeth, bydd y Cofnod Gofal Integredig yn hwyluso cydweithio di-dor ymhlith gweithwyr iechyd a gofal cymdeithasol proffesiynol, gan sicrhau bod data cywir, cyfredol ar gael yn ôl yr angen a lle bynnag y bo angen. Mae'r integreiddio hwn yn lleihau'r risg o gamgymeriadau, yn lleihau asesiadau dyblyg, ac yn cefnogi gwneud penderfyniadau ar sail gwybodaeth, gan arwain at ofal mwy effeithlon ac effeithiol.
Yn ogystal, mae ganddo'r potensial i rymuso cleifion a defnyddwyr gwasanaeth trwy eu galluogi i gymryd rhan weithredol yn eu rheolaeth iechyd eu hunain, gan wella eu canlyniadau iechyd a llesiant cyffredinol, a phrofiad a boddhad gyda gwasanaethau gofal.
Bydd y prosiect hwn yn rhoi Cofnod Gofal Integredig i Gymru ar waith gyda’r bwriad o integreiddio data a sicrhau ei fod ar gael ar draws yr holl leoliadau iechyd a gofal, gan ddisodli’r swyddogaethau gofal integredig presennol a ddarperir gan y system CareDirector ar gyfer defnyddwyr presennol a chynnwys yr holl wasanaethau iechyd a gofal cymdeithasol perthnasol ledled Cymru.
Gweledigaeth Cofnod Gofal Integredig
Creu ecosystem gofal iechyd gysylltiedig lle mae data dinasyddion yn llifo'n rhydd, yn ddiogel ac yn gywir rhwng darparwyr gofal iechyd, gan rymuso cleifion a chlinigwyr i wneud penderfyniadau ar sail gwybodaeth, gwella canlyniadau cleifion, a gwella effeithlonrwydd system gofal iechyd.
Ailfrandio i'r Cofnod Gofal Integredig
Pan ddechreuodd y prosiect , cyfeiriwyd ato fel Cofnod Gofal a Rennir, roedd hyn yn adlewyrchu nodau craidd y fenter. Wrth i'n cyfnod darganfod fynd yn ei flaen, rydym wedi ceisio ehangu ac egluro nodau a chwmpas y prosiect, gan ei wahaniaethu oddi wrth fentrau eraill sy'n ymgymryd â gwaith tebyg. Maenewid enw Rhaglen Cofnodion Gofal a Rennir i Raglen Cofnod Gofal Integredig efo nifer o fanteision, yn enwedig o ran y ffordd y caiff y rhaglen ei chanfod a sut mae’n cyd-fynd â nodau gofal iechyd ehangach.
Yn pwysleisio Cwmpas Ehangach
Mae'r Cofnod Gofal Integredig yn amlygu dull mwy cyfannol, sy'n cwmpasu nid yn unig rhannu data ond hefyd integreiddio gwasanaethau, prosesau, a llifoedd gwaith ar draws ystod ehangach o leoliadau gofal (e.e. gofal cymdeithasol, gofal cymunedol, iechyd meddwl, a'r sectorau gwirfoddol).
Pwrpas Eglur ar gyfer Rhanddeiliaid
Mae'r enw Cofnod Gofal Integredig yn rhoi arwydd cliriach i randdeiliaid, gan gynnwys cleifion, defnyddwyr gwasanaeth, darparwyr a chomisiynwyr, fod y rhaglen yn anelu at gefnogi gofal cynhwysfawr sy'n canolbwyntio ar yr unigolyn.
Ffocws sy’n Canolbwyntio ar Gleifion
Ar gyfer cleifion a defnyddwyr gwasanaeth, mae Gofal Integredig yn awgrymu profiad gofal parhaus unedig, a all wella dealltwriaeth ac ymddiriedaeth yn y rhaglen.
Annog Perchnogaeth Gydweithredol
Mae "Cofnod Gofal Integredig" yn hyrwyddo ymdeimlad o gydberchnogaeth a chyfrifoldeb ymhlith yr holl sefydliadau sy'n rhan ohono, gan feithrin cydweithredu.
Cwmpas
Bydd y rhaglen yn dechrau drwy ddatblygu galluoedd craidd a strwythurau data technegol y gellir eu hailddefnyddio i integreiddio gofal ar draws lleoliadau fel gofal cymdeithasol, iechyd cymunedol, iechyd meddwl, gofal acíwt, gofal sylfaenol, a chartrefi gofal. Y prif nod yw creu seilwaith integreiddio y gellir ei ehangu sy'n cefnogi pob lleoliad gofal. Bydd gweithredu gofal integredig yn dilyn dull defnydd fesul achos defnydd, gan sicrhau y cyflawnir canlyniadau diriaethol yn raddol fesul achos (trwy ddatblygu achosion busnes). Drwy fabwysiadu dull ystwyth, gall rhanddeiliaid ddechrau elwa ar nodweddion y gellir eu defnyddio yn gynnar yn y broses, tra bod datblygiadau pellach yn cael eu hadeiladu ar sylfaen gadarn.
Bydd y seilwaith integreiddio hwn yn cael ei ddylunio fel y gellir ei ehangu, gan ganiatáu iddo addasu i anghenion lleoliadau gofal amrywiol. Bydd yn cynnwys y derminoleg, semanteg, a safonau rhyngweithredu angenrheidiol i sicrhau integreiddio llyfn. Bydd y cam cychwynnol yn canolbwyntio ar gyflawni galluoedd craidd a hyd at ddau achos defnydd, gan arwain at gofnod gofal a rennir swyddogaethol. Yna bydd y prawf cysyniad hwn yn cael ei ehangu i achosion defnydd ychwanegol ar draws sefydliadau partner. Mae'r model hyblyg y gellir ei ehangu hwn yn adlewyrchu'r strategaethau llwyddiannus a ddefnyddir mewn rhaglenni cofnodion gofal integredig eraill.
Bydd y rhaglen yn defnyddio’r broses genedlaethol a’r broses sicrwydd bresennol, megis Bwrdd Safonau Gwybodaeth Cymru, i sicrhau proses o ymgynghori â’r holl randdeiliaid allweddol, a fydd yn gyfrifol, yn atebol, yr ymgynghorir â hwy ac yn hysbys am benderfyniadau ar safonau a manylebau data cenedlaethol a fydd yn sail i’n dull cofnod gofal a rennir yn y dyfodol.
Y camau nesaf
Rydym eisoes wedi dechrau rownd gychwynnol o Ddarganfod ac Ymgysylltu gyda rhanddeiliaid allweddol rydym yn bwriadu cydweithio â nhw. Yn y flwyddyn newydd, byddwn yn dechrau ar gam ymgysylltu â’r farchnad o’r gwaith Darganfod.