Rydyn ni’n galluogi cleifion sy’n defnyddio Ap GIG Cymru i gael mynediad at eu cofnodion iechyd meddyg teulu, hyd at eu cofnodion iechyd meddyg manwl wedi’u codio. (Mae hyn yn union yr un fath â Fy Iechyd Ar-lein).
Dylai practisiau fod wedi galluogi’r Cofnodion Gofal Cryno (SCRs) ar gyfer pob claf fel gosodiad safonol yn barod. Dangosir hyn yng ngosodiadau cyffredinol y practis, neu EMAS Manager.
Anogir practisiau meddygon teulu i hyrwyddo a chynnig mynediad i gleifion drwy’r ap at wybodaeth o’u cofnodion manwl wedi’u codio (DCR). Dylai fod gan y practis broses ar waith ar gyfer delio â cheisiadau DCR.
Dyma rai pwyntiau i’w hystyried:
Wrth droi Ymchwiliadau ymlaen ar lefel Claf, byddwch yn ymwybodol o’r ffordd y caiff canlyniadau eu harddangos i gleifion yn eu cyfrif. Oherwydd y ffordd y caiff y rhain eu rheoli yn y system glinigol, mae oedi o 72 awr cyn y gellir gweld y canlyniadau trwy’r ap, gan roi amser i feddygfa brosesu a ffeilio canlyniadau labordy. Gellir ystyried gweithredoli yr holl opsiynau ffurfweddu sy’n weddill, gan gynnwys:
Dylai staff practis fod yn ymwybodol:
Os yw eich practis yn defnyddio EMIS, dylai eich staff fod yn ymwybodol hefyd:
Mae GIG Cymru yn argymell na ddylai dogfennau nac unrhyw opsiwn sy’n gallu arddangos testun rhydd gael eu gweithredoli ar lefel Practis neu Glaf ar hyn o bryd. Gellir ystyried gweithredoli’r holl opsiynau ffurfweddu sy’n weddill ar Lefel Practis a Chleifion.
Bydd galluogi cleifion i weld eu cofnodion meddygol drwy Ap GIG Cymru o fudd i’r rhan fwyaf o gleifion, ond efallai y bydd heriau i leiafrif, yn enwedig lle gallai mynediad at wybodaeth achosi niwed meddyliol neu gorfforol difrifol i’r claf neu drydydd parti.
Mae hi’n hollbwysig diogelu cleifion neu unrhyw drydydd parti a allai gael ei effeithio pan roddir mynediad i wybodaeth. Gall fod yn briodol golygu gwybodaeth benodol a gofnodwyd yng nghofnod meddygol y meddyg teulu, neu atal y claf rhag cael mynediad i’r wybodaeth.
Cleifion sy’n agored i niwed ac mewn perygl
Gall cofnod claf sy’n agored i niwed gynnwys gwybodaeth a allai achosi niwed corfforol neu feddyliol iddyn nhw, ac na ddylai’r claf ei gweld. Mewn rhai amgylchiadau efallai y bydd cynlluniau diogelu ar waith ac yn hysbys i’r practis. Dylech ystyried atal mynediad at rannau o’r cofnod lle byddwch yn ystyried bod claf yn agored i orfodaeth, lle mae caniatáu mynediad at y cofnod yn debygol o achosi niwed i’w iechyd corfforol neu feddyliol neu i iechyd meddwl eraill. Mae’r nodwedd hon eisoes yn bodoli mewn systemau practis cyffredinol.
Efallai y bydd amgylchiadau eraill lle, ym marn y practis meddyg teulu, na fyddai mynediad at wybodaeth o gofnodion manwl wedi’u codio er budd y claf.
Er enghraifft:
Efallai y bydd rhai sefyllfaoedd sensitif yn gofyn am agwedd fwy ystyriol at fynediad. Mae rhai mathau o wybodaeth yn arbennig o sensitif.
Dyma rai enghreifftiau:
Gan fod Ap GIG Cymru yn defnyddio NHS login, gall y rhan fwyaf o gleifion gael mynediad at y gwasanaethau meddyg teulu ar-lein sydd ar gael trwy’r ap heb i’r practis gael unrhyw gysylltiad â nhw.
Os nad oes gan gleifion gyfrif gwasanaethau ar-lein meddyg teulu eisoes, pan fyddan nhw’n creu cyfrif ar-lein, byddan nhw’n cael lefel ddiofyn y practis o ran mynediad at y gwasanaethau hyn. Yn gyffredinol, mae hynny’n golygu y gallan nhw drefnu apwyntiadau a gofyn am bresgripsiynau rheolaidd yn ogystal â gweld eu Cofnod Gofal Cryno.
Mae canllawiau ar orfodaeth ac ystyriaethau eraill i’w gweld yn yr RCGP guidance on GP online services
Er mwyn atal claf rhag cael mynediad at y gwasanaethau diofyn, bydd angen i chi newid y gosodiadau yn eu manylion gwasanaeth ar-lein cofnodion claf yn eich system glinigol.
Os oes angen i chi ddirymu mynediad claf at drefnu apwyntiadau neu at gofnodion meddygol, mae’n bwysig gwneud hynny o fewn gosodiadau cyfrif ar-lein y claf unigol. Os ydych yn dileu eu cyfrif mynediad ar-lein yn gyfan gwbl, bydd un newydd yn cael ei greu yn awtomatig y tro nesaf y byddan nhw’n defnyddio Ap GIG Cymru.
Trafod mynediad cyfyngedig neu ddim mynediad gyda’r claf
Efallai eich bod yn pryderu am wrthdaro â chlaf os byddwch yn penderfynu cyfyngu ar neu wrthod mynediad.
Pan wrthodir mynediad i glaf neu pan roddir mynediad cyfyngedig iawn, ystyriwch a oes angen sgwrs wyneb yn wyneb rhwng y clinigwr a’r claf. Gall cynnwys y claf yn gynnar a chynnig tryloywder helpu i osgoi gwrthdaro a chwynion.
Mewn ymateb i bryderon diogelu, mae Coleg Brenhinol yr Ymarferwyr Cyffredinol yn diweddaru ei becyn cymorth Gwasanaethau Ar-lein i Feddygon Teulu mewn cydweithrediad ag arbenigwyr diogelu. Bydd hyn yn cwmpasu sefyllfaoedd lle gall pryderon godi, a’r camau y gallai clinigwyr eu cymryd i liniaru’r risgiau hyn.
Y Practis Meddyg Teulu fydd Rheolydd y Data Personol a brosesir mewn perthynas â darparu gwasanaethau meddyg teulu a ddarperir gan Ap GIG Cymru o fewn ystyr Rheoliad Diogelu Data Cyffredinol y DU a Deddf Diogelu Data 2018. Felly, y practis fydd â’r cyfrifoldeb cyffredinol am sicrhau bod yr holl brosesu data yn cael ei wneud yn unol â’r Ddeddf.
Dylai’r Rheolydd Data gymeradwyo’r polisïau a’r gweithdrefnau a ddefnyddir gan y practis meddyg teulu ar gyfer cynnig mynediad i gleifion at eu Cofnod Meddygol Manwl wedi’i Godio cyn i’r gwasanaeth gael ei roi ar waith.
Dylai practisiau:
Gallwch wirio safonau yn erbyn offeryn hunanasesu Pecyn Cymorth Llywodraethu Gwybodaeth Cymru.