Helpu cleifion i ddefnyddio'r Ap

Rydyn ni wedi creu nifer o dudalennau i helpu cefnogi Ap GIG Cymru sy'n darparu mwy o gymorth a chyfarwyddyd manwl ar gyfer cleifion sy'n cwmpasu: 

• NHS login  
• Gwasanaeth Dilysu Hunaniaeth Cymru 
• biometreg (mewngofnodi ôl bys, wyneb neu iris)  
• rheoli dewisiadau hysbysiadau  
• apwyntiadau  
• presgripsiynau  
• rheoli a chael mynediad at eu cofnodion iechyd  
• byrfoddau a geir yn gyffredin mewn cofnodion meddygol  
• sut i gael gofal meddygol brys (gwasanaethau 111 a 999 GIG Cymru)  
• rhoi organau a gwaed 

Helpu cleifion i roi gwybod am broblemau yn yr Ap  

Os yw cleifion yn hapus i ganiatáu i’r Ap ddefnyddio cwcis neu os ydyn nhw’n cael problem dechnegol gyda’r Ap neu os ydyn nhw am roi adborth am yr Ap yn gyffredinol, gallan nhw anfon adborth o fewn yr Ap gan ddefnyddio’r botwm adborth.     

Os nad ydyn nhw’n gallu gweld y botwm adborth, bydd angen iddyn nhw droi cwcis dadansoddol dewisol ymlaen trwy:  

1. Mynd i Mwy.   
2. Dewis Cyfrif a gosodiadau.   
3. Dewis Cyfreithiol a chwcis.   
4. Dewis Rheoli cwcis.  
5. Caniatáu cwcis dadansoddol dewisol.  

Mae cwcis yn ffeiliau bach a ddefnyddir i wneud gwefannau yn gyflymach i gael mynediad iddynt ac yn haws eu defnyddio, a darparu mwy o nodweddion i ddefnyddwyr. Dysgwch ragor am gwcis.  

Os yw’n well ganddyn nhw beidio â chaniatáu cwcis, bydd angen iddyn nhw roi gwybod am y broblem drwy lenwi’r arolwg ar-lein

Os bydd y claf yn rhoi gwybod am broblem drwy’r llwybr “Mae gen i broblem gydag Ap GIG Cymru” yn y nodwedd adborth, efallai y byddant yn cael ymateb trwy e-bost gan y ddesg gymorth i gleifion.