Apwyntiadau

Os nad yw eich practis yn cynnig apwyntiadau i’w bwcio ar-lein o fewn yr Ap, gallwch chi dal alluogi’r nodwedd. Mae hyn yn caniatáu i gleifion weld apwyntiadau’r gorffennol a rhai yn y dyfodol. Byddan nhw hefyd yn gallu canslo unrhyw apwyntiadau sydd ar ddod o fewn yr Ap.   

Gwneud apwyntiadau ar-lein  

Er mwyn i gleifion fedru gweld y slotiau apwyntiad sydd ar gael yn yr ap, rhaid i’r practis sicrhau yn gyntaf eu bod ar gael i’w harchebu ar-lein yn y system glinigol.  

Rydyn ni’n argymell bod unrhyw apwyntiadau sydd ar gael i’w harchebu dros y ffôn hefyd yn cael eu cynnig ar-lein drwy’r ap. Rydyn ni’n cydnabod bod practisiau wedi gorfod newid y ffordd maen nhw’n trefnu apwyntiadau yn ddiweddar. Mae’r ap yma i’ch cefnogi chi trwy’r newidiadau hyn.  

Dyma enghreifftiau o apwyntiadau y gallai practis eu cynnig ar-lein:  

• apwyntiadau arferol y gellir eu harchebu ymlaen llaw  
• apwyntiadau brysbennu  
• apwyntiadau cynorthwyydd gofal iechyd  
• profion gwaed  
• sgrinio serfigol (profion ceg y groth)  
• apwyntiadau asthma/COPD  

Po fwyaf o fathau o apwyntiadau y gallwch eu cynnig i’w harchebu ar-lein, y mwyaf y bydd pobl yn defnyddio’r ap a’r mwyaf o amser y bydd hyn yn ei arbed i staff y dderbynfa.  

Fodd bynnag, mae hi fyny i bob practis i wneud y penderfyniadau am archebu ar-lein sydd fwyaf addas ar gyfer eich ffordd chi o weithio. Disgwylir y bydd meddygfeydd yn brysbennu cleifion cyn cynnig apwyntiad y gellir ei archebu. Gallwch ddefnyddio nodweddion yn eich systemau clinigol i gefnogi eich prosesau. 

Gall y rhain gynnwys:  

• gosod amseroedd rhyddhau apwyntiadau, fel eu bod ar gael ar-lein ar yr un pryd ag y bydd eich llinellau ffôn yn agor
• cyfyngu ar nifer yr apwyntiadau y gall cleifion fod wedi’u trefnu ar un adeg - ond sylwer y bydd hyn yn cyfyngu ar gyfanswm yr apwyntiadau, p’un a ydyn nhw’n cael eu trefnu ar-lein, dros y ffôn neu wyneb yn wyneb  
• os yw ar gael yn y system a ddefnyddiwch, gofynnwch i’r claf nodi rheswm dros wneud apwyntiad; gall hyn helpu staff y dderbynfa i frysbennu a chysylltu ag unrhyw glaf sydd wedi trefnu apwyntiad nad yw’n addas  

Mae’r dulliau’n amrywio mewn gwahanol systemau clinigol. Gallwch gael cymorth gan eich cyflenwr system. Rydyn ni wedi darparu canllawiau byr ar sicrhau bod eich apwyntiadau ar gael ar-lein o fewn systemau clinigol penodol.  

Bydd Ap GIG Cymru yn dangos unrhyw apwyntiadau rydych wedi’u cynnig i’w harchebu ar-lein o fewn yr 16 wythnos nesaf.   

Apwyntiadau 

DYLECH 

• Dylech ei gwneud yn glir os yw’r apwyntiad yn apwyntiad dros y ffôn neu ar-lein – e.e. “apwyntiad ffôn – cyffredinol” – gan gofio bod yn rhaid creu apwyntiadau ffôn fel “lleoliad” ar wahân.  
• Dylech ddefnyddio iaith sym 
• Dylech wneud pwrpas yr apwyntiad yn glir.  
• Dylech nodi ar gyfer pa grwpiau y mae’r slot apwyntiad – e.e. “pobl dros 50 oed – brechlyn ffliw gaeaf”  

  PEIDIWCH  

•  Peidiwch â defnyddio termau clinigol – e.e. “prawf gwaed” yn hytrach na “fflebotomi” (gweler A to Z of NHS health writing)  
• Peidiwch â defnyddio termau fel “diofyn”, “rhyngrwyd” neu “embargo” – gan nad ydyn nhw’n gwneud unrhyw synnwyr i gleifion  
• Peidiwch â chynnwys enw aelod o’r practis, amser neu leoliad – caiff y rhain eu harddangos ar wahân    

Enwau clinigol  

Dylech gynnwys rhywedd yr aelod o’r practis yn y maes enw gan nodi (G) neu (B). Mae ymchwil yn dangos bod hyn yn bwysig i gleifion. Peidiwch â chynnwys enw'r aelod practis mewn enwau apwyntiadau oherwydd mae hyn yn achosi dryswch gan fod enw'r clinigydd yn cael ei arddangos ar wahân.

Gwirio a newid enwau eich apwyntiadau  

Mae’r dull o newid yr enwau yn dibynnu ar eich system glinigol.  

 EMIS: cyfarwyddiadau ar gyfer enwi apwyntiadau  

Yn EMIS gall cleifion weld Enw’r Sesiwn a Math y Slot. 

I newid Enw’r Sesiwn:  

1. Yn y tab Appointment Book, cliciwch ar Create Session ac yna dewis Load from template.  
2. Golygwch Enw’r Sesiwn a chliciwch ar Save as template.  
3. Os yw’r templed sesiwn hwn eisoes yn cael ei ddefnyddio, bydd naidlen yn ymddangos yn gofyn a ydych am ddiweddaru sesiynau presennol – dewiswch Yes i’w hail-enwi.  

I newid y math o slot:  

1. Yn y tab “Appointment Book”, cliciwch ar Appts Config a dewiswch Slot Types. 
2. Cliciwch ar y math o slot rydych chi am ei olygu, a chliciwch ar Edit. 
3. Newidiwch yr Enw a chliciwch ar OK, ac yna OK eto.

 Vision: cyfarwyddiadau ar gyfer enwi apwyntiadau  

Bydd y claf yn gweld enw’r math o slot yn Ap GIG Cymru, nid yr enw VOS (Vision Online Services), felly mae angen i chi wirio enwau’r mathau o slotiau a’u newid os oes angen.  

1. O Management Tools, dewiswch Control Panel > File Maintenance > Online.  
2. O dan Services, dewiswch Configure Appointments.  
3. Dewiswch y tab Slot Type.  
4. Cliciwch ddwywaith ar y math o slot rydych chi am ei ddiweddaru.  
5. Golygwch enw’r math o slot.  

Galluogi cleifion i drefnu apwyntiadau yn yr Ap 

Gall cleifion ychwanegu nodyn am eu hapwyntiad os yw eu practis meddyg teulu wedi galluogi’r nodwedd hon yn yr Ap. Er enghraifft, gellir ei defnyddio i ddweud pam mae’r claf yn bwcio’r apwyntiad. 

Gall eich practis wneud y maes nodiadau yn: 

• orfodol 
• dewisol 
• wedi’i analluogi 

Cymorth a chefnogaeth 

Dod o hyd i help a chefnogaeth ar gyfer defnyddio Cegedim 

Dod o hyd i help a chefnogaeth ar gyfer defnyddio Emis