Mae defnyddiwr gwasanaeth yn profi cynnydd cymedrol mewn triniaeth a niwed sylweddol, ond nid yw’n niwed parhaol. Mae’r gofal a ddarparwyd gan y GIG wedi cyfrannu at hyn, neu’n mae’n bosibl ei fod wedi cyfrannu ato. Er enghraifft, er bod nodiadau’r claf yn dweud bod alergedd gan y claf i feddyginiaeth benodol, rhoddir y feddyginiaeth honno i’r claf ac mae’n arwain at adwaith sylweddol sy’n golygu bod angen i’r claf aros yn yr ysbyty am bedwar diwrnod neu fwy cyn iddo wella.
Mae defnyddiwr gwasanaeth yn profi anabledd parhaol neu’n colli ei allu corfforol. Mae’r gofal a ddarparwyd gan y GIG wedi cyfrannu at hyn neu’n mae’n bosibl ei fod wedi cyfrannu ato. Er enghraifft, er bod nodiadau’r claf yn dweud bod alergedd gan y claf i feddyginiaeth benodol, rhoddir y feddyginiaeth honno i’r claf ac mae’n arwain at niwed i’r ymennydd neu niwed parhaol arall i’w organau.
Mae defnyddiwr gwasanaeth yn marw ac mae’r gofal a ddarparwyd gan y GIG wedi cyfrannu at y farwolaeth honno neu mae’n bosibl ei fod wedi cyfrannu ati. Er enghraifft, er bod nodiadau’r claf yn dweud bod alergedd gan y claf i feddyginiaeth benodol, rhoddir y feddyginiaeth honno i’r claf ac mae’n arwain at ei farwolaeth.