Adroddiad blynyddol
2025-26
Ein Blwyddyn mewn Ffigyrau
Golwg fanwl ar y metrigau gweddnewidiol a'r defnydd digynsail o lwyfannau ar draws GIG Cymru yn 2026.
"Graddio iechyd digidol."
Nodiadau Clinigol a Grëwyd
Cofnodion digidol wedi'u cofnodi'n ddiogel gan weithwyr iechyd proffesiynol.
Dogfennau Gofal Cleifion
Cyfanswm y dogfennau gofal critigol a welwyd ar draws y rhwydwaith.
Delweddau PACS a Welwyd
Mynediad at ddelweddau diagnostig cydraniad uchel.
Adroddiadau Radioleg
Dogfennau dadansoddi radioleg wedi'u gweld yn ddiogel gan glinigwyr.
WGPRs a Welwyd
Cofnodion Meddygon Teulu Cymru wedi'u cyrchu drwy'r system integredig.
Canlyniadau Patholeg
Canlyniadau labordy wedi'u gweld yn ddi-dor gan staff meddygol.
DALs a Anfonwyd
Llythyrau Cyngor Rhyddhau wedi'u trawsyrru'n ddiogel.
Defnyddwyr WCP Unigryw
Clinigwyr unigol sy'n defnyddio Porth Clinigol Cymru yn weithredol bob mis.
Cofnodion Cleifion
Cyfanswm cofnodion iechyd cleifion wedi'u cyrchu'n ddiogel ledled y wlad.
e-Atgyfeiriadau wedi'u Blaenoriaethu
Atgyfeiriadau wedi'u prosesu a'u brysbennu'n llwyddiannus drwy'r WCP.
Datganiad gan ein
Prif Weithredwr
Ar y cyfan, mae hon wedi bod yn flwyddyn lle rydym wedi gweithio i ymateb i gyfleoedd a heriau i'n sefydliad, wedi cryfhau ein sylfeini ac wedi cyflawni cynnydd yn erbyn ein hamcanion.
Perfformiad Gweithredol a Cherrig Milltir CTCI
O ran cyflawniadau, fe wnaethom gyflawni 94% o’n cerrig milltir Cynllun Tymor Canolig Integredig (CTCI); fodd bynnag, ni chyflawnodd y ddarpariaeth mewn rhaglenni diagnostig ac elfennau o Ap GIG Cymru ein disgwyliadau gwreiddiol.
Drwy gydol y flwyddyn, fe wnaethom gynnal lefelau uchel o berfformiad gweithredol, gyda mwy na 100 o wasanaethau digidol cenedlaethol yn cefnogi GIG Cymru ac argaeledd system o 99.969%.
Cynnydd i Gleifion a Staff
Rydym wedi parhau i wneud cynnydd mewn meysydd sy'n bwysig i gleifion a staff. Mae hyn yn cynnwys ehangu mynediad at wasanaethau drwy Ap GIG Cymru, gwella mynediad at wybodaeth glinigol integredig, a pharhau i foderneiddio meysydd allweddol fel diagnosteg, meddyginiaethau a gofal sylfaenol.
Mae'r datblygiadau hyn yn helpu i gefnogi gofal mwy diogel a gogyfeiriol ac yn gwella profiad gwasanaethau i bobl ledled Cymru.
Monitro Gwell (Lefel Tri)
Mae gweithredu o dan statws uwchgyfeirio Lefel Tri (Monitro Gwell) wedi creu cyfleoedd i ni weithio gyda rhanddeiliaid i nodi heriau a gwella'r ffyrdd rydym yn gweithredu.
Drwy gydol y flwyddyn, fe wnaethom ganolbwyntio ar gryfhau ein disgyblaethau llywodraethu, cynllunio a chyflawni. Nid yw hyn wedi bod yn syml bob amser, ond mae wedi bod yn angenrheidiol i wella sut rydym yn cynllunio, goruchwylio a chyflawni ein gwaith. Er bod rhywfaint o gynnydd wedi'i wneud, rydym yn cydnabod bod mwy i'm gweithredu i gyflawni ein rôl fel partner dibynadwy ac arweinydd system.
Cryfhau Gweithio mewn Partneriaeth
Mae gweithio mewn partneriaeth wedi bod yn ganolog i'n dull a'n darpariaeth, ac yn faes lle bu'n rhaid i ni fod yn onest ynglŷn â'r angen i wella. Rydym wedi gweithio i gryfhau ein hymgysylltiad â byrddau iechyd, ymddiriedolaethau a Llywodraeth Cymru, wedi'i gefnogi gan ddull mwy strwythuredig a phwrpasol o weithio gyda rhanddeiliaid.
Er bod hyn wedi arwain at gydweithio mwy cyson ac atebolrwydd cliriach, rydym yn cydnabod bod magu hyder a meithrin ymddiriedaeth ar draws y system yn cymryd amser a rhaid iddo barhau i fod yn flaenoriaeth.
Cymhlethdod ar draws y System a Ffocws Lefel Pedwar
Rydym hefyd yn glir bod cyflawni trawsnewid cyson ar draws y system yn parhau i fod yn gymhleth. Mae dibyniaethau allanol, amrywiad mewn capasiti lleol ac aeddfedrwydd digidol, a graddfa rhaglenni genedlaethol yn parhau i gyflwyno heriau. Felly, ein ffocws ni fu nid yn unig ar gyflawni, ond ar gryfhau'r amodau ar gyfer cyflawni, gan gynnwys eglurder blaenoriaethau, cynllunio realistig a gweithio cryfach ar lefel y system.
Ar ddechrau 2026/27, cynnyddodd ein lefel uwchgyfeirio i Lefel Pedwar (Ymyrraeth Dargedig), sy'n rhoi mwy o le inni gryfhau a gwella sut rydym yn gweithio ar draws y system. Dros y flwyddyn nesaf, byddwn yn canolbwyntio ar gynnal y momentwm mewn meysydd lle rydym wedi gweld gwelliant, gweithio gyda rhanddeiliaid i barhau i gryfhau partneriaethau, a sicrhau ein bod yn trosi ein cynlluniau yn ganlyniadau. Drwy hyn, byddwn yn gweithio'n galed i barhau i fagu hyder, gwella gofal cleifion a sicrhau bod digidol yn rym er lles mewn iechyd a gofal ledled Cymru.