Adroddiad Llywodraethu Corfforaethol
Mae’r Adroddiad Llywodraethu Corfforaethol yn rhoi trosolwg o’r trefniadau a’r strwythurau llywodraethu sydd ar waith ar draws Awdurdod Iechyd Arbennig Iechyd Digidol a Gofal Cymru yn ystod 2024/25. Mae'n cynnwys:
Y Datganiad Llywodraethu Blynyddol
Mae’n nodi’r trefniadau a’r strwythurau llywodraethu ac yn dwyn ynghyd sut mae’r sefydliad yn rheoli llywodraethu, risg a rheolaeth.
Adroddiad y Cyfarwyddwyr
Yn darparu manylion y Bwrdd a'r Tîm Gweithredol, sydd ag awdurdod neu gyfrifoldeb am gyfarwyddo a rheoli prif weithgareddau'r Awdurdod Iechyd Arbennig yn ystod y flwyddyn. Darperir peth o'r wybodaeth a fyddai’n cael ei dangos yma fel arfer mewn rhannau eraill o'r Adroddiad Blynyddol a’r Cyfrifon Blynyddol a thynnir sylw at hyn lle bo’n berthnasol.
Datganiad o Gyfrifoldebau'r Swyddog Atebol a Datganiad o Gyfrifoldebau'r Cyfarwyddwyr
Mae’r Swyddog Atebol, y Cadeirydd a'r Cyfarwyddwr Cyllid yn cadarnhau eu cyfrifoldebau wrth baratoi'r datganiadau ariannol a bod yr Adroddiad Blynyddol a'r Cyfrifon, yn eu cyfanrwydd, yn deg, yn gytbwys ac yn ddealladwy.